Azərbaycan, Bakı /müxbir. Trend Z.Səfərov/ Gənclər arasında Yunan-roma güləşi üzrə Azərbaycan komandası Moskvada keçirilən beynəlxalq turnirdə 4 mükafat qazanıblar. Trend ə verilən məlumata görə, heyətin tərkibində ən yaxşı nəticəyə 42 kq-dək çəkidə özünü sınayan Fərid Mirzəyev nail olub. Bütün gücünü səfərbər edərək o, finala çıxıb və burada güzəştə gedərək 2-ci yeri tutub. Digər 3 mükafatçı isə Məhərrəm Babayev (35), Qurbanəli İslamov və Tural Həsənzadədir. Adları çəkilən son 2 idmançı 38 kq-da bürünc medala layiq görülüblər.
Qeyd etmək lazımdır ki, məşqçi Ələsgər Ələsgərovun rəhbərlik etdiyi komanda "Neftçi" idmançılarından təşkil edilib. Turnirdə Ukrayna, Özbəkistan və Rusiyanın digər regionlarından 150 pəhləvan iştirak edib.