Azərbaycan, Bakı, 23 aprel /korr.TrendLife Fərid Sadıxov|Tələbə Qəbulu üzrəDövlət Komissiyası Azərbaycan vətəndaşları üçün Moskva Dövlət Beynəlxalq Əlaqələr İnstitutuna (MDBƏİ) qəbul elan edib.
Sənədlərin qəbulu aprelin 25-dən mayın 5-dək Dövlət Komissiyasının binasında həyata keçiriləcək. Qəbul iki mərhələdə aparılacaq.
Birinci mərhələdə abituriyentlər 2-ci və 3-cü ixtisas qrupları üzrə mayın 12-də test imtahanı verəcəklər. Test imtahanında abituriyentlərə suallar rus dilində təqdim olunacaq. Test imtahanı nəticəsində 500-dən yüksək bal toplayan abituriyentlər ikinci mərhələyə buraxılacaq, onlardan ən yüksək bal toplamış 3 nəfər isə MDBƏİ-da ödənişsiz təhsil almaq imkanı qazanacaqlar
İkinci mərhələ isə MDBƏİ tərəfindən Moskva şəhərində 27 iyun-4 iyul aralığında imtahan keçiriləcək. Bu mərhələdə abituriyentlər seçdikləri fakultədən asılı olmayaraq rus və ingilis dillərindən imtahan verəcəklər. "Beynəlxalq iqtisadı əlaqələr fakultəsi"nə qəbul olmaq istəyənlər bundan əlavə riyaziyyatdan da imtahan verməlidirlər.