Azərbaycan, Bakı / Trend müxbir E.Hüseynli/ Azərbaycan Milli Elmlər Akademiyasının Rəyasət Heyətinin illik yığıncağında akademik Mahmud Kərimov yenidən Akademiyanın prezidenti seçilib. İclasda çıxış edənlər qeyd ediblər ki, Kərimov alimlər arasında böyük nüfuza malikdir və AMEA-nın bütövlükdə inkişafında böyük xidmətləri olub. İclasda Kərimovun illik hesabatı təsdiq olunub və Rəyasət Heyətinin işi qənaətbəxş hesab edilib.