Azərbaycan, Bakı / Trend müxbir K Zərbalıyeva / Sabiq səhiyyə naziri Əli İnsanovun Prezident Aparatının İctimai-siyasi şöbəsinin müdiri Əli Həsənova qarşı xüsusi ittiham qaydasında şikayəti icraata qəbul olunub. Səbayel rayon məhkəməsindən çərşənbə günü Trend ə bildirilib ki, iddia hakim Alim Namazovun icraatına verilib. İddia icraata yeni daxil olduğundan iş üzrə hazırlıq iclasının keçiriləcəyi tarix müəyyənləşdirilməyib.
Sabiq nazir, Həsənov barəsində Cinayət Məcəlləsinin 147-ci (böhtan) və 148-ci (təhqir) maddəsi ilə xüsusi ittiham qaydasında cinayət işi başlanmasını tələb edir.
İnsanov 2005-ci ilin oktyabr ayında dövlət çevrilişinə cəhddə və kütləvi ixtişaşda təqsirləndirilərək həbs edilib. Ağır Cinayətlərə Dair İşlər üzrə Məhkəmənin hökmü ilə 11 azadlıqdan məhrum edilib.