Azərbaycan, Bakı, 27 aprel /korr.TrendLife Fərid Sadıxov/"Azərpoçt" Dövlət Müəssisəsi və Təhsil Nazirliyinin birgə təşkilatçılığı, eyni zamanda Dünya Poçt İttifaqının təşəbbüsü ilə orta məktəblər arasında keçirilən 36-cı beynəlxalq inşa müsabiqəsinə yekun vurulub.
"Azərpoçt" Dövlət Müəssisəsindən verilən məlumata görə, müsabiqəyə poçt rabitəsi sahəsinə aid üç mövzu üzrə 15 mindən artıq inşa təqdim olunub. Münsiflər onlardan yalnız 30-nu müvafiq yerlərə layiq görüblər. Qaliblərə pul mükafatı təqdim olunub. Müsabiqədə birinci yeri tutmuş Mingəçevir məktəblisi Məlahət Əliyevanın inşa yazısı ingilis dilinə tərcümə edilərək Berlində keçiriləcək növbəti beynəlxalq tura göndərilib.