Azərbaycan, Bakı / Trend müxbir K.Zərbalıyeva/ Azərbaycan Vəkillər Kollegiyasına 90 nəfər üzv qəbul olunub. Vəkillər Kollegiyasından çərşənbə günü Trend ə bildirilib ki, mayın 4-dən başlamış müsahibədə (söhbət) 108 namizəd iştirak edib. Namizədlərdən 90-ı müsahibədə müsbət nəticə göstərib, 18 nəfər isə müsahibədən keçməyib. Müsahibə iyunun 4-də davam etdiriləcək. Müsahibənin iyunun sonunadək davam edəcəyi nəzərdə tutulub.
Vəkillər Kollegiyasına üzv olmaq üçün imtahan vermiş 441 namizəddən 299-u 50 və daha artıq bal toplayaraq növbəti mərhələdə iştirak etmək hüququ qazanıb.
Mayın 4-də Naxçıvanda 9 namizədlə keçirilmiş müsahibənin nəticələrinə görə, 8 namizəd uğur qazanıb.
Müsahibə Komissiyası 11 nəfərdən təşkil olunub. Komissiya üzvlərinin 5-i vəkillərdən, 3-ü alimlərdən, 3-ü isə hakimlərdən ibarətdir.
Azərbaycan Vəlillər Kollegiyasının 540 üzvü var. Azərbaycan vəkillərin sayına görə Avropa ölkələri sırasında sonuncu yerlərdə durur
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
