Azərbaycan, Bakı / Trend müxbir E.Hüseynli/ Azərbaycanın bəzi regionlarında erkən nigah və dini baxışlarına görə təhsildən yayınma halları mövcuddur, ancaq bu kütləvi xarakter daşımır. Bu barədə cümə günü təhsil naziri Misir Mərdanov BMT-nin Baş Məclisinin "Uşaqlar üçün yararlı dünya" Qətnaməsinin 5 illiyinə həsr edilmiş Milli Konfransda məlumat verib. Onun sözlərinə görə, təhsildən yayınma hallarının mövcudluğu Azərbaycan ədət-ənənələri ilə bağlıdır. Nazir onu da qeyd edib ki, hər il olduğu kimi, 2007-2008-ci tədris ilində də 1 mln. 500 aşağı sinif şagirdlərinə pulsuz dərsliklər paylanacaq. Onun sözlərinə görə, ölkənin təhsil sisteminin inkişafı üçün indiyə gədər 15 dövlət proqramı təsdiqlənib. Gələcəkdə də bu istiqamətdə işlər aparılacaq.