Azərbaycan, Bakı, 9 iyul /müx. "TrendLife" Eldar Hüseynzadə/ Rəssamlar İttifaqının təmiri və Vəcihə Səmədova adına sərgi salonunun bərpası haqda söz-söhbətlər çoxdandır gedir. Bəs təmirdən sonra görəsən işlər necə olacaq? Bu sualla Rəssamlar İttifaqının sədri Fərhad Əliyevə müraraciət etdik və sualımızı belə cavablandırdı: "Vəcihə Səmədova adına sərgi salonu yaxşı olmalıdır. Lakin salonun ölçülərini təəssüf ki, dəyişdirə bilmərik. Əlbəttə, biz təmir zamanı hansısa yenilikləri etmək istəyirik. Ən əsası odur ki, ayrılmış maliyyə durumumuz artıq düzəlib. Bir neçə gündən sonra təmirə başlayırıq. Şəhərdə ən azından on sərgi salonu olmalıdır. Nə qədər sərgi salonu çox olsa, Azərbaycan incəsənətini nümayiş etdirmək imkanı daha çox olacaq. Bakı elə şəhərdir ki, bura çoxlu qonaqlar gəlir. Sərgi salonlarının çox olması bizə xeyirdir. Onda bizi daha çox tanıyacaqlar".