Azərbaycan, Quba / Trend müxbir A.Qafarov/ Hazırda Azərbaycanın şimal bölgəsində 1063 narkoman qeydiyyatdadır. Onlardan 744-ü dispanser qeydiyyatında, 319-u isə profilaktik müayinədədir. Bu barədə çərşənbə günü şimal bölgəsi üzrə rayonlararası Narkoloji Dispanserin baş həkimi Kamil Mehtiyev məlumat verilib. Onun sözlərinə görə, qeydiyyatda olanların təqribən 50%-i Xaçmaz rayonunun payına düşür (480 nəfər). Onların 16-sı bu il qeydiyyata alınıb. Xaçmazda narkoman kimi qeydə alınanlardan 2-si qadındır.
Qeydiyyatda ən az olan rayon, eyni zamanda bu il ən çox qeydiyyata alınan rayon isə Qusar rayonudur. Bu il Qusar rayonu üzrə narkomanların 39-u dispanser, 32 nəfəri isə profilaktik qeydiyyatdadır.
Şimal bölgəsinin digər rayonları olan Qubada 279, Dəvəçidə isə 232 narkoman qeydiyyata alınıb.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
