Azərbaycan, Bakı/ Trend N.Kirtsxalia/ "Gürcüstanda Azərbaycan dilli məktəblərin ümumiyyətlə bağlanması tələbi həm bizim qanunvericiliyimizə, həm də beynəlxalq hüquq normalarına ziddir" - deyə Gürcüstanın Milli təhsil planları və qiymətləri Mərkəzinin direktoru Simon Canaşiya Trend ə bildirib. Gürcüstanın Təhsil və Elm Nazirliyinin məmuru Xaricdə Yaşayan Azərbaycanlılarla İş üzrə Dövlət Komitəsinin sədri Nazim İbrahimovun bəyanatına bu cür münasibət bildirib. İbrahimov bildirmişdi ki, komitə Gürcüstanda Azərbaycan məktəblərinin bağlanılmasının tərəfdarıdır. Belə ki, Gürcüstan cəmiyyətinə inteqrasiya etmək üçün bu ölkədə yaşayan azərbaycanlılar gürcü dilini öyrənməlidirlər.
"Biz Gürcüstanda yaşayan azərbaycanlılara gürcü dilini öyrənmələri üçün yardım edirik, amma bununla belə onların öz dillərini itirməmələri üçün hər şey edirirk" - deyə Canaşiya vurğulayıb. O qeyd edib ki, azərbaycanlı əhali seçim hüququna malik olmalıdır. Buna görə də Gürcüstandakı Azərbaycan məktəblərini bağlanma təhlükəsi gözləmir.
Hazırda Gürcüstanda 150 Azərbaycan dilli məktəb var. Burada etnik azərbaycanlılar öz doğma dillərində təhsil ala bilirlər.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
