Azərbaycan, Bakı, 23 iyul /müx. "TrendLife" Ayəndə Dadaşova/ Yaradıcı insanların işləri düz gətirməyəndə, həmişə deyirlər ki, gözə, nəzərə gəlmişik. Belə şeylərdən qaçmaq üçün isə müxtəlif amuletlərdən istifadə edirlər. Bəstəkar Emruzə Hüseynova da "TrendLife"a gələcək planları haqda danışarkən bu səbəbdən söhbəti ən maraqlı yerində kəsdi: "Hazırda Samir Piriyevə yeni albomu üçün, Lalə Məmmədovaya, "N-brother" qrupuna yeni mahnılar yazıram. İki mahnı Flora Kərimovaya təklif olunub. Və ..." - bir neçə saniyəlik fasilədən sonra bəstəkar bəd nəzərdən qorxduğunu bildirib susdu. Ax bu inanclar...