Azərbaycan, Bakı, 9 mart /Trend, müxbir M.Əliyev/
Bu gün Azərbaycan Futbol Federasiyaları Assosiasiyasının (AFFA) inzibati binasında qurumun növbəti hesabat-seçki konfransı keçirilib.
Trend-in məlumatına görə, konfransda əvvəlcə AFFA rəhbərliyinin hesabatı dinlənilib, sonra isə AFFA prezidenti və İcraiyyə Komitəsinin üzvləri seçilib.
AFFA prezidentliyinə yeganə namizəd olan Rövnəq Abdullayev yenidən bu vəzifəyə seçilib.
Qeyd edək ki, Rövnəq Abdullayev 2008-ci ildən AFFA-nın prezidenti vəzifəsində calışır. Hər dörd ildən bir AFFA prezidentliyinə seçkilər keçirilir.