Azərbaycan, Bakı, 16 iyun /Trend, müxbir M.Salmanov/
Futbol üzrə 2012-ci il Avropa çempionatının favoritlərindən sayılan İspaniya yığması qitə çempionatları tarixində bir oyunda ən çox ötürmə verən komanda olub. Bu barədə Trend şənbə günü Türkiyə KİV-ə istinadən məlumat verir.
Avro-2012-nin qrup mərhələsi çərçivəsində İrlandiya ilə qarşılaşan Del Boskenin yetirmələri ümumilikdə 898 ötürmə veriblər. İspanlar 90 dəqiqə ərzində sadəcə 83 qeyri-dəqiq ötürmə ilə yadda qalıblar.
Bu göstərici sayəsində İspaniya millisi futbol üzrə Avropa çempionatları tarixində bir matçda ən çox ötürmə verən komanda olub.
Komandanın əsas oyunçularından sayılan Xavi Hernandez isə bu oyunda 136 ötürmə verib ki, bunun da 127-si dəqiq olub. Bu göstərici sayəsində "Barselona" futbolçusu tarixə düşüb.