Azərbaycan, Bakı, 22 iyun /Trend, müxbir M.Əliyev/
Azərbaycanın futbol üzrə milli komandasının baş məşqçisi Berti Foqts Polşa millisinə keçidi ilə bağlı yayılan məlumatları təkzib edib.
Trend-in məlumatına görə, Almaniya KİV-lərinə müsahibə verən Foqts yayılan xəbərə təəccübləndiyini bildirib.
"Əvvəlcədən heç nə demək olmaz, lakin mənim Azərbaycan yığması ilə ikiillik müqaviləm var. Hələlik bu müqavilədə heç bir dəyişiklik edilməyib", - o bildirib.
Qeyd edək ki, Berti Foqtsun Azərbaycan millisi ilə müqaviləsi 2013-cü ilin dekabr ayında başa çatacaq.