Azərbaycan, Bakı, 23 iyun /Trend/
Cümə günü futbol üzrə UEFA Avropa çempionatının ikinci 1/4 final görüşü keçirilib.
Trend-in məlumatına görə, Almaniya millisi Yunanıstan yığmasını 4:2 hesabı ilə darmadağın edərək yarımfinala vəsiqə qazanıb.
Almanların heyətində qolları 39-cu dəqiqədə Lam, 61-ci dəqiqədə Hedira, 68-ci dəqiqədə Kloze və 74-cü dəqiqədə Roys vurublar.
Yunanların cavabı isə 55-ci dəqiqədə Samarasın qolu və 89-cu dəqiqədə Salpinqidisin reallaşdırdığı penaltidən ibarət olub.