Azərbaycan, Bakı, 2 avqust /Trend/
Bu gün XXX London Yay Olimpiya Oyunlarında Azərbaycanın cüdo yığmasının sonuncu üzvü Elmar Qasımov (100 kq) mübarizəyə qoşuldu.
Trend-in məlumatına görə, 1/16 final mərhələsində cüdoçumuzun rəqibi qazaxıstanlı Maksim Rakov oldu. Qasımov yuko xalı ilə görüşü qalib başa vurdu.
1/8 final mərhələsində Qasımov gürcüstanlı Levan Jorjoliani ilə qarşılaşdı və bu görüşdən də yuko xalı ilə qalib ayrıldı.
Qeyd edək ki, olimpiadaya 8 idmançı (6 kişi, 2 qadın) ilə yollanan cüdo yığmamızın artıq 7 üzvü çıxışını medalsız başa vurub.