Azərbaycan, Bakı, 18 avqust /Trend/
Portuqaliyada keçiriləcək futzal üzrə tələbələr arasında XIII dünya çempionatında İran və Azərbaycan yığması görüşəcək. Trend-in məlumatına görə, bu barədə İran televiziyasının rəsmi xəbər saytı "iribnews" məlumat verir.
Məlumata əsasən, bu çepmionatda 16 komanda 4 qrupda bir-birləri ilə yarışacaq. Birinci qrupda Azərbaycan, İran, Fransa və Portuqaliya komandaları yarışacaq.
Bu gün çempionatın açılış mərasimi keçirilir. İran və Azərbaycan komandalarının görüşü sabah Bakı vaxtı ilə 20:45-də baş tutacaq.