Azərbaycan, Bakı, 17 fevral /Trend, müxbir E. Qəzvini/
Katalon klubunun argentinalı hücumçusu, tarixdə yeganə 4 qat FİFA -nın "Qızıl Top"-na sahib Lionel Messi 300-cü topunu vurub. Trend-in BBC-yə istinadən məlumatında bildirilir ki, Messi rekord topuna İspaniya çempionatının Barselona Qranada matçında imza atıb.
Qarşılaşmanın 50 dəqıqəsində hesabı açan 25 yaşlı forvard 73-də növbəti qolunu vuraraq, komandasına 2:1 hesabı ilə qələbə qazandırıb.