Azərbaycan, Bakı, 19 fevral /Trend/
Bu gün ötən həftədən startı verilən Çempionlar Liqasının 1/8 final mərhələsinin oyunları davam etdiriləcək.
Trend-in məlumatına görə, futbol sevərlər iki oyun izləyə biləcək. Ən çox maraq doğuran qarşılaşma Londonda yerli "Arsenal"la Münhenin "Bavariya" komandaları arasında olacaq.
Digər oyunda "Porto" "Malaqa"nı qəbul edəcək.
Bu mərhələnin sonuncu iki qarşılaşması - "Milan" - "Barselona" və "Qalatasaray" - "Şalke" oyunu isə sabah baş tutacaq.