Azərbaycan, Bakı, 20 fevral /Trend/
Çərşənbə axşamı UEFA Çempionlar Liqasının 1/8 final mərhələsinin növbəti matçları keçirilib.
Günün mərkəzi görüşündə Londonda "Arsenal" "Bavariya"-nı qəbil edirdi. Oyun qonaqların 3:1 hesablı qələbəsi ilə yekunlaşıb. Bavariyadan oyunun 7-ci dəqiqəsində Kroos, 21-ci dəqiqədə Müller, 77-ci dəqiqədə isə Mandjukiç fərqləniblər. "Topçular" bu qollara yalnız 55-ci dəqiqədə Podolskinin vurduğu topla cavab verə bildilər.
Günün digər matçında isə "Portu" İspaniyanın "Malaqa" klubu ilə qarşılaşıb. Portuqallar minimal hesabla üstün olublar - 1:0. Qol Moutinyonun aktivindədir.