Azərbaycan, Bakı, 3 aprel /Trend, müxbir E.Tanrıverdiyev/
Argentina millisinin və "Barselona" klubunun hücumçsu Lionel Messi UEFA Çempionlar liqasının 1\4 mərhələsində Fransanın "PSJ" klubu ilə keçirilən oyunun birinci hissəsində zədələnib və fasilə zamanı digər oyunçu ilə əvəz olunub. Trend-in məlumatına görə, bu barədə çərşənbə günü "sport.es" portalı xəbər yayıb.
İlkin tibbi nəticələrə görə, Messi 3 həftəyə qədər futbol meydanlarından kənar qala bilər. Əgər keçirələçək ətraflı tibbi müayinədən sonra diaqnoz dəyişməzsə, Messi "PSJ"lə olan cavab oyununu, həmçinin, İspaniya çempionatında "Malyorka", "Saraqosa", və "Levante"yə qarşı oyunları buraxmalı olacaq.