Azərbaycan, Bakı, 19 aprel /Trend/
Azərbaycan kuboku uğrunda keçiriləcək yarımfinal mərhələsinin cavab qarşılaşmasının vaxtı dəyişdirilib.
Trend Peşəkar Futbol Liqasının saytına istinadən xəbər verir ki, aprelin 24-də "Tofiq Bəhramov adına Respublika stadionu"nda keçiriləcək görüş saat 17:00-da deyil, 21:00-da başlayacaq.
Qeyd edək ki, bu cütlüyün ilk qarşılaşması 2-1 "Neftçi"nin qələbəsi ilə başa çatıb.