Azərbaycan, Bakı, 25 aprel /Trend/
Bu gün UEFA Çempionlar Liqasının yarımfinal mərhələsinin ikinci oyunu keçirilib.
Trend-in məlumatına görə, Almaniyanın "Borussiya" (Dortmund) klubu İspaniyanın "Real" (Madrid) klubunu qəbul edib.
Artıq 8-ci dəqiqədə Levandovski ispanları məyus edib - 1:0. 43-cü dəqiqədə Ronaldo hesaba tarazlıq gətirib.
İkinci hissənin əvvəlində Levandovski daha iki qol vuraraq hesabı almanların xeyrinə dəyişib (3:1).
Bu azmış kimi, Levandovski 67-cı dəqiqədə "Real"ın qapısına təyin olunan penalti zərbəsini də dəqiq yetirib - 4:1. Matç elə bu hesabla da başa çatıb.
Qeyd edək ki, yarımfinal mərhələsinin digər oyununda "Bavariya" "Barselona"nı 4:0 hesabı ilə məğlub etmişdi.