Azərbaycan, Bakı, 1 iyun /Trend/
Fransanın "Monako" klubu "Atletiko Madrid"in kolumbiyalı hücumçusu Radamel Falkaonu heyətinə cəlb edib. Bu barədə Trend xarici KİV-ə istinadən məlumat verir.
FIFA-nın rəsmi saytında yayılan xəbərə görə, "Monako"nun sahibi rus milyarder Dmitri Ribolovlev Falkaonu İspaniyanın "Atletiko" klubundan transfer etdiklərini açıqlayıb.
"Monako"nun internet səhifəsində futbolçu ilə 5 illik müqavilənin bağlanması barədə məlumat verilsə də, Ribolovlev transferin təfərrüatları ilə bağlı məlumat verməyib.
Fransa mətbuatı transferin təqribən 60 milyon avro qarşılığında həyata keçirildiyini iddia edir.
Falkaonun iyunun 3-də Monakoya gələcəyi, iyunun 4-də isə tibbi yoxlanışdan keçəcəyi gözlənilir.