...

Azərbaycanlı gimnast Sloveniyada Dünya Kubokunun qalibi olub

İdman Materials 21 Aprel 2014 12:51 (UTC +04:00)
Azərbaycanlı gimnast Anna Pavlova həftə sonu Sloveniyada keçirilən idman gimnastikası üzrə B kateqoriyasında Dünya Kubokunun qalibi olub.
Azərbaycanlı gimnast Sloveniyada Dünya Kubokunun qalibi olub

Azərbaycan, Bakı, 21 aprel /Trend/

Azərbaycanlı gimnast Anna Pavlova həftə sonu Sloveniyada keçirilən idman gimnastikası üzrə B kateqoriyasında Dünya Kubokunun qalibi olub. Bu barədə bazar ertəsi Trend-ə Azərbaycan Gimnastika Federasiyasının mətbuat xidmətindən bildirilib.

Təsnifatın yekunları üzrə Pavlova dörd mümkün finaldan ikisinə çıxıb - gimnastik tir üzərində və qeyri-bərabər hündürlükdə tirlərdə hərəkətlər üzrə. Anna uzunluğu 5 metr, eni isə cəmi 10 santimetr olan tir üzərində akrobatik elementlər, tullanmalar və 360 dərəcə dönmələr üzrə 4-cü yeri qazanıb, müxtəlif hündürlükdə üfüqi tirlərdə hərəkələr isə ona qızıl medal sevincini yaşadıb.

Pavlova tirlərdə hərəkətləri demək olar ki, səhvsiz yerinə yetirib və finalda Belarus və İsveçrədən olan əsas rəqiblərini qabaqlayıb.

Ölkəmizi yarışda təmsil edən ikinci gimnast Marina Nerasova da iki finalda (sərbəst hərəkətlər və uzununa tullanma) yarışıb və hər ikisində dördüncü olub.

Məqalədə:
Xəbər lenti

Xəbər lenti