Azərbaycan, Bakı, 10 oktyabr /Trend/
11-12 oktyabr 2014-cü il tarixdə Dağıstanın Buynak rayonunda İ.X.Şıxsaidovun adına beynəlxalq turnir keçiriləcək.
Azərbaycan Güləş Federasiyasından Trend-ə verilən məlumata görə, turnirdə sərbəst güləş üzrə yığma komandamızın üzvləri iştirak edəcəklər.
Yığma komandanın məşqçisi Siracuddin Eldarovun rəhbərliyi altında qonşu respublikaya 5 güləşçimiz yollanır.
Yarışda ölkəmizi Elçin Vəliyev (57 kq), Qitinomaqomed Hacıyev (65 kq), Kamran Yunusov, Mircəfər Murtuzlu (hər ikisi 74 kq) və Məhəmməd Abdulxaliqov (86 kq) təmsil edəcəklər.