Azərbaycan, Bakı, 15 oktyabr /Trend/
Azərbaycan Avtomobil Federasiyası oktyabrın 11-də Bakıda keçirilən "V1 Challenge Azerbaijan" yarışının təqdimat şousunun videoçarxını yayıb.
Trend-in məlumatına görə, oktyabrın 11-də Bakı Kristal Zalında Avtomobil Federasiyasının təşkilatçılığı ilə keçən yarış 12 ölkəni təmsil edən 14 pilot arasında birincilik uğrunda maraqlı və həyəcan dolu mübarizə ilə yadda qalıb.
Həmçinin idman avtomobillərində və motosikletlərdə qeyri-adi tryuklarla şou tamaşaçılar tərəfindən maraqla qarşılanıb.
Şouda tamaşaçı olmaq fürsətini qaçıranlar yaxın zamanda "V1 Challenge Azerbaijan" yarışını tam olaraq televiziya kanallarında izləyə biləcəklər.