Azərbaycan, Bakı, 23 oktyabr /Trend/
İspaniyanın "Barselona" futbol klubu Rusiyada sərgi matçları keçirmək variantına baxır. Trend-in xarici KİV-ə istinadən verdiyi məlumata görə, bunu klubun kommersiya direktoru Loren Kollet deyib.
Onun sözlərinə görə, Rusiya bu baxımdan "Barselona" üçün prioritet ölkələrdən biridir.
L.Kollet qeyd edib: "Biz Rusiyada yoldaşlıq oyunlarının keçirilməsi variantını nəzərdən keçiririk. Lakin futbolçularımızın oyun təqvimi çox sıxdır. Rusiyalılar Neymar və Messini görmək üçün 2016-ci ilədək gözləməlidirlər".