Azərbaycan, Bakı, 18 dekabr /Trend/
Madridin "Real" komandası təqvim ilində qolların sayına görə İspaniya klubları arasında rekorda imza atıb.
Trend-in xarici KİV-ə istinadən verdiyi məlumata əsasən, madridlilər klublararası dünya çempionatında "Krus Asul" üzərində 4:0 hesabı ilə qələbə qazandıqdan sonra 176 qol vurmaqla "Barselona"nın göstəricisini qabaqlayıblar. Kataloniya təmsilçisi 2012-ci ildə rəqib qapılarından 175 top keçirmişdi.
Bundan başqa, "Real" 50 qələbə qazandığı halda, "Barselona" həmin il 49 dəfə meydançanı qalib kimi tərk etmişdi.
Bunadək "Real"ın ən yaxşı göstəricisi 2011-ci ildə 45 qələbə olub.