Azərbaycan, Bakı, 7 may /Trend, müxbir İlkin İzzət/
Dağıstanın Mahaçqala şəhərində fazişm üzərində Qələbənin 70 illiyinə həsr olunmuş beynəlxalq turnir keçirilib. Yeniyetmə sərbəst güləşçilərdən ibarət yığma komandamızın üzvləri turnirdə iştirak edib.
Azərbaycan Güləş Federasiyasından Trend-ə verilən məlumata görə, 400-dən artıq iştirakçının qatıldığı yarışda güləşçilərimiz 2 bürünc medal qazanıb. Yığma komandanın heyətində Səxavət Qarayev (32 kq) və Məmməd Əhmədov (46 kq) fərqlənib.
Yığma komandanın üzvləri məşqçilər Namiq Quliyev və Mehman Nəcəfovun rəhbərliyi altında turnirdə mübarizə aparıb. Görüşlərin idarə edilməsində ölkəmizi milli dərəcəli hakim Bəşir İsazadə təmsil edib.