Azərbaycan, Bakı, 14 may /Trend/
UEFA Çempionlar Liqasının finalçıları müəyyən olunub.
Trend-in məlumatına görə, yarımfinal mərhələsinin növbəti cavab oyunu bu gün Madriddə baş tutub. "Real" ilk görüşdə 1:2 hesabı ilə məğlub olduğu "Yuventus"u qəbul edib.
23-cü dəqiqədə Ronaldo penalti zərbəsini dəqiq yerinə yetirib. 57-ci dəqiqədə isə Morata hesaba tarazlıq gətirib - 1:1. Oyun elə bu hesabla da başa çatıb.
Beləliklə, Çempionlar Liqasının finalında "Barselona" və "Yuventus" qarşılaşacaqlar.
Qeyd edək ki, final oyunu iyunun 6-da Berlində keçiriləcək.