Azərbaycan, Bakı, 27 may /Trend/
FIFA prezidenti vəzifəsinə seçkilər təşkilatın 6 üzvünün korrupsiya fəaliyyəti ilə bağlı həbs edilməsinə görə təxirə salınmayacaq.
Trend-in TASS agentliyinə istinadən verdiyinə görə, bunu FIFA-nın ictimaiyyətlə əlaqələr üzrə direktoru Valter de Qreqorio deyib.
Onun sözlərinə əsasən, seçkilərin təxirə salınması üçün heç bir səbəb yoxdur.
FIFA prezidenti vəzifəsinə seçkilər mayın 29-da Sürix şəhərində keçiriləcək. Seçkilərdə təşkilatın indiki rəhbəri Yozef Blatter və İordaniya şahzadəsi Əli bin əl-Hüseyn mübarizə aparacaqlar.