Təfərrüatlar əlavə olunub (ilk xəbər saat 16:20-də yayılıb)
Azərbaycan, Bakı, 29 may /Trend/
Polis FIFA-nın İsveçrənin Sürix şəhərində keçirilən 65-ci konqresində partlayış təhlükəsi barədə məlumat aldığını təsdiqləyib.
Trend-in TASS-a istinadən verdiyi məlumata əsasən, bu barədə yerli "Handelszeitung" qəzeti xəbər yayıb.
Məlumat yerli vaxtla saat 11:00-da daxil olub. Qəzetin verdiyi məlumata əsasən, Sürix polisi təhlükəsizlik tədbirlərini gücləndirib. Konqresin keçirildiyi yerdə sakitlikdir, tədbir iştirakçıları təxliyə edilməyib.
Qeyd edək ki, bu gün FIFA-nın konqresində təşkilatın yeni prezidenti seçilir.