Bakı. Trend:
Bu gün UEFA Avropa Liqasının 1/16 final mərhələsinin cavab oyunları keçirilir.
Trend-in məlumatına görə, "Qalatasaray" ilk oyunda 1:1-lik bərabərə qaldığı "Latsio"nun qonağı olub.
Oyunda hesabı romalılar açıblar - 59-cu dəqiqədə Parolo fərqlənib. Cəmi 1 dəqiqə sonra Anderson fərqi artırıb. 62-ci dəqiqədə Türkiyə təmsilçisinin heyətində Öztəkin rəqib torunu silkələyib. Lakin 10 dəqiqə sonra Klozenin qolu sonuncu olub - 3:1.
Beləliklə, "Qalatasaray" turnirdə mübarizəni dayandırıb.