Bakı. Trend:
"Mercedes" komandasının britaniyalı pilotu Lyuis Hamilton Böyük Britaniya Qran Prisinin qalibi olub.
Trend-in məlumatına görə, Qran Pridə 2-ci yeri Hamiltonun komanda yoldaşı finlandiyalı pilot Valtteri Bottas, 3-cü yeri isə "Ferrari" komandasının finlandiyalı pilotu Kimi Raykkonen tutub.
Üç qat dünya çempionu Hamilton ölkəsinin ev sahibliyi etdiyi Qran Prinin 5-ci dəfə qalibi olur.
Qeyd edək ki, ümumi hesabda liderliyi "Ferrari"nin pilotu Sebastyan Fettel (177 xal) qoruyub saxlayır. 2-ci yerdə 1 xal geri qalaraq Lyuis Hemilton (176 xal), 3-cü-yerdə isə Valtteri Bottas (154 xal) qərarlaşıblar.
Formula 1-in növbəti mərhələsi Macarıstanda 28-30 iyul keçiriləcək.