Bakı. Trend:
Bu gün Çempionlar Liqasının qrup mərhələsi çərçivəsində V-ci turun ilk 2 oyunu keçirilib.
Trend-in məlumatına görə, "G" qrupunda "Vodafone Park" stadionunda Türkiyənin "Beşiktaş" klubu ilə Portuqaliyanın "Porto" klubu qarşılaşıblar.
İlk hissənin 29-cu dəqiqəsində qonaqların müdafiəçisi Felipe hesabı açıb - 0:1. Bundan 12 dəqiqə sonra 41-ci dəqiqədə "Beşiktaş"ın yarımmüdafiəçisi Taliska hesabı bərabərləşdirib - 1:1. İkinci hissədə qapılara qol vurulmayıb. Oyun 1:1 hesabı ilə yekunlaşıb.
Beləliklə, Türkiyənin "Beşiktaş" klubu Çempionlar Liqasının qrup mərhələsində qrupdakı liderliyini təmin edib.
| Komanda | Oyun | Qollar | Xal |
| Beşiktaş | 5 | 9-4 | 11 |
| Portu | 5 | 10:8 | 7 |
| Leypsiq | 4 | 5:8 | 4 |
| Monako | 4 | 3:7 | 2 |