Bakı. Tural Turan - Trend:
Braziliya Futbol Konfederasiyası baş məşqçi Tite ilə müqaviləni yeniləyib.
Trend-in məlumatına görə, Tite Braziliya millisinə 2022-ci ildə Qətərdə keçiriləcək Dünya Çempionatının sonuna qədər başçılıq edəcək.
O, milliyə 2016-cı ilin yayından rəhbərlik edir. Rusiyada keçirilən Dünya Çempionatında başçılıq etdiyi Braziliya Belçikaya 1:2 hesabı ilə məğlub oldu. Titenin rəhbərliyi ilə Braziliya 26 matç keçirib, 20 dəfə qalib gəlib, 4 dəfə heç-heçə oynayıb, 2 dəfə isə məğlub olub.