Bakı. Trend:
AFFA-da icraçı vitse-prezident vəzifəsinə yeni təyinat olmayacaq.
Bunu Trend-ə AFFA-nın Mətbuat və ictimaiyyətlə əlaqələr şöbəsinin müdiri Firuz Abdulla deyib.
"AFFA-da dörd vitse-prezident vəzifəsi nəzərdə tutulub, onlar da var. Əlavə icraçı vitse-prezident olmayacaq" - F.Abdulla qeyd edib.
Xatırladaq ki, ötən gün AFFA-nın icraçı vitse-prezidenti Elxan Məmmədov FIFA-nın Avropa Milli Assosiasiyaları üzrə direktoru vəzifəsinə təyinat alıb. E.Məmmədov bundan sonra milli assosiasiyadakı işini İcraiyyə Komitəsinin üzvü və ictimai əsaslarla vitse-prezident olaraq davam etdirəcək.