Bakı. Trend:
Futbol üzrə Azərbaycan Kubokunda növbəti yarımfinalçı müəyyənləşib.
Trend xəbər verir ki, 1/4 finalın cavab oyununda "Sumqayıt"a 4:0 hesabı ilə qalib gələn "Sabah" adını növbəti mərhələyə yazdırıb.
Paytaxt təmsilçisinin qollarına 55-ci dəqiqədə Anatoli Nuriyev, 71-ci dəqiqədə Xəyal Əliyev, 82-ci dəqiqədə Coy-Lens Mikels, 90+3-cü dəqiqədə isə
Amin Seydiyev imza atıblar.
Komandalar arasında keçirilən ilk oyunda qolsuz heç-heçə qeydə alınmışdı.
"Sabah"ın yarımfinaldakı rəqibi "Neftçi" - "Kəpəz" cütünün qalibi ilə olacaq.
Bu gün keçirilən ilk matçda "Qarabağ" "Səbail"i 3:1 hesabı ilə üstələyərək növbəti raunda vəsiqə qazanıb.
Qeyd edək ki, 1/4 finalın digər 2 oyunu fevralın 28-də keçiriləcək.