...

İmişlinin daha iki kəndinə təbii qaz verilib

İqtisadiyyat Materials 19 Oktyabr 2016 13:32 (UTC +04:00)
Bu gün İmişli rayonun Soltanmuradlı və Ölcələr kəndlərinə ilk dəfə təbii qazın verilməsi münasibəti ilə tədbir keçirilib.
İmişlinin daha iki kəndinə təbii qaz verilib

Bakı. Trend:

Bu gün İmişli rayonun Soltanmuradlı və Ölcələr kəndlərinə ilk dəfə təbii qazın verilməsi münasibəti ilə tədbir keçirilib.

Trend SOCAR-ın saytına istinadən xəbər verir ki, bu münasibətlə keçirilmiş tədbirdə rayon icra hakimiyyətinin və “Azəriqaz” İstehsalat Birliyinin təmsilçiləri, ictimaiyyət nümayəndələri iştirak ediblər. Bildirilib ki, 261 abonenti olan Soltanmuradlı və Ölcələr kəndlərinin qazlaşdırılması üçün birpilləli sistem əsasında 27059 metr uzunluğunda müxtəlif diametrli metal və polietilen borularla daşıyıcı və məhəllədaxili qaz xətləri çəkilib, bütün abonentlərin mənzillərinə sayğac və fərdi tənzimləyicilər quraşdırılıb.

Hazırda İmişli rayonunun daha 11 kəndində (Nurulu, Bəcirəvan, Ağcüyür, Qaravəlili, Mirili, Çahar, Gövhərli, Qaradonlu, Məzrəli, Xubyarlı və Çaxırlı kəndlərində) tikinti quraşdırma işləri davam etdirilir. Yaxın günlərdə tikintisi başa çatmış yaşayış məntəqələrinə ardıcıllıqla təbii qazın verilişi təmin ediləcək.

Məqalədə:
Xəbər lenti

Xəbər lenti