Bakı. Trend:
Bank of Baku Bolkartın 5 yaşı münasibətilə start verdiyi “Bolkartla Qazan” stimullaşdırıcı tirajlı lotereyanın qaliblərini 30 noyabr 2016-ci il tarixində keçirdiyi oyun nəticəsində bəlli edib.
Bankdan Trend-ə verilən məlumata görə, 600 hədiyyədən ibarət olan lotereyanın uduş fondu 28 Mall alış-veriş mərkəzində quraşdırılmış Bolkart stendində 5 nəfərdən ibarət juri heyətinin iştirakı və “Bolkart 5 yaşında” mahnısının ifaçısı ABD Malikin aparıcılığı ilə oynanılıb. Saat 20:00-da onlarla Bolkartlının iştirakı ilə başlanan oyun 3 mərhələdə keçirilərək, sonda uduş fondunun ən dəyərli hədiyyəsi Avropaya iki nəfərlik səyahət paketi və VİP kateqoriyalı Bolkart Diamond kartında 500 AZN pul mükafatının qalibinin müəyyənləşdirilməsi ilə yekunlaşıb. Super prizin qalibi Bankla 4 il əməkdaşlıq edən Əliyeva Fazilə adlı müştərisi olub.
Oyunu birbaşa olaraq keçirildiyi məkandan izləyə bilməyən Bolkartlılar üçün Bank of Baku lotereyanın bütün gedişatını Bolkartın rəsmi faceook səhifəsindən canlı yayım vasitəsilə izləmək imkanı yaradıb. Xatırladaq ki, lotereyanın şərtlərinə əsasən, 19 oktyabr – 27 noyabr 2016-cı il tarixləri arasında alış-veriş və onlayn ödəniş məbləğlərinin cəmi dəyəri minimum 20 AZN olan hər bir Bolkartlı lotereyada iştirak hüququ əldə edib. Yəni, ümumi dəyəri 20 AZN olan müxtəlif ödənişlərin cəmi kart sahibinə 1 iştirak hüququ qazandırıb. Lotereyada lotereya bileti qismındə tirajda iştirak hüququ qazanmış hər bir kart üzrə 10 rəqəmdən ibarət eyniləşdirmə kodu iştirak edirdi, bu kod 16 rəqəmli kart nömrəsinin ilk 4 və son 6 rəqəmindən təşkil olunub.
Lotoreyanın hər üç tur üzrə qaliblərinin siyahısı ilə bu linkdən tanış ola bilərsiniz:
Daha ətraflı:
145 məlumat mərkəzi
www.bankofbaku.com
www.facebook.com/bankofbaku
