Bakı. Trend:
Noyabr ayında Ceyhan limanından 2,3 milyon tondan artıq neft dünya bazarlarına çıxarılıb.
Trend SOCAR-ın saytına istinadən xəbər verir ki, 2016-cı ilin noyabr ayı ərzində 2 milyon 345 min 740 ton Azərbaycan nefti Ceyhan limanından dünya bazarlarına çıxarılıb. Bu həcmin 1 milyon 528 min 526 tonunu Azərbaycan Dövlət Neft Fondunun nefti təşkil edib. Cari ilin yanvar-noyabr aylarında Ceyhan limanından ixrac olunmuş neftin həcmi 26 milyon 753 min 098 ton təşkil edib.
Ümumiyyətlə, BTC istismara verilən gündən 2016-cı il dekabr ayının 1-ə qədər Ceyhan limanından 317 milyon 946 min 870 ton Azərbaycan nefti dünya bazarlarına yola salınıb.