Bakı. Trend:
Dövlət İmtahan Mərkəzinin tələbə qəbulu üzrə xidmətlərinə görə ödəniş prosesi normal qaydada gedir.
Bu barədə Trend-ə Kapital Bankdan deyiblər.
Bildirilib ki, sistemin işində heç bir problem müşahidə olunmur: "Bəzən sistemdə qısamüddətli fasilə ola bilər ki, bu da sistemin işini bir neçə dəqiqə yubada bilər. Ümumilikdə isə heç bir problem qeydə alınmayıb, sistem normal rejimdə işləyir".
"Gənclik Mall" filialındakı problemə gəlincə, agentliyin müsahibi bildirib ki, həmin filial belə böyük sayda müştəriyə hesablanmayıb: "Orada cəmi bir kassa və iki operator var. Biz hazırda müştərilərin bir hissəsini bankımızın digər filiallarına yönləndirmək üçün tədbirlər görürük".