Bakı. Trend:
Bank VTB (Azərbaycan)ın “Bakı-Moskva” rubl kartı ilə Rusiyada pul xərcləmək daha sərfəli oldu. Bankın yeni kartı Cash Back funksiyası sayəsində Rusiya ərazisində nağdsız əməliyyatlar vasitəsilə xərclənən məbləğin 0,5%-ni geri qaytarır.
Bu barədə Trend-ə bankdan məlumat verilib.
“Bakı-Moskva” kartı nağdsız ödənişlərin aparılması, eləcə də nağd vəsaitlərin çıxarılması üçün nəzərdə tutulan debet rubl kartıdır. Kartın müddəti müştərinin seçimindən asılı olaraq 24 və 36 ay təşkil edir.
“Bakı-Moskva” kartı ilə digər ölkələrdə də istifadə etmək mümkündür, bu zaman rubl müştəriyə tələb olunan valyutaya konvertasiya olunacaq.
Nağd valyutanın çıxarılması üçün VTB-nin güzəştli bankomat şəbəkəsindən istifadə olunduqda komissiya bank VTB (Azərbaycan)ın tariflərinə uyğun tutulacaq. VTB-nin güzəştli bankomat şəbəkəsinə VTB (Azərbaycan), VTB (Gürcüstan), VTB (Ukrayna), VTB (Qazaxıstan), VTB (Belarus), eləcə də Rusiyada VTB24 və Poçta bank-ın ATM-ləri daxildir. Azərbaycan ərazisində güzəştli şəbəkəyə PashaBank və AccessBank bankomatları daxildir.
Bank VTB (Azərbaycan) ASC VTB Bank ASC-nin törəmə bankıdır. Bank VTB (Azərbaycan) ASC-nin səhmdarları: VTB Bank ASC və “AtaHolding” ASC-dir. Bank VTB (Azərbaycan) ASC korporativ biznesi, kiçik və fərdi biznesi təmsil edən müştərilərə, eləcədə fiziki şəxslərə xidmət göstərir.