Bakı. Trend:
"Ulduz" Şokolad Fabriki Rusiya Federasiyasının paytaxtı Moskva şəhərində təşkil olunmuş “WORLD FOOD 2017” Dünya Qida Sərgisində iştirak edir.
Veysəloğlu Şirkətlər Qrupunun İctimaiyyətlə əlaqələr şöbəsindən Trend-ə verilən məlumata görə, sentyabrın 14-nə qədər davam edəcək “WORLD FOOD 2017” Dünya Qida Sərgisinə ümumilikdə dünyanın 64 ölkəsindən 1500 şirkət qatılıb.
Fabrikin direktoru Mahir Balasıyev bildirib ki, fabrikin təqdim etdiyi beynəlxalq standartlara cavab verən 80-dən çox yüksək keyfiyyətli və rəqabətqabiliyyətli yeni çeşidli məhsulları sərgi iştirakçılarının böyük marağına səbəb olub.
Qeyd edək ki, 2001-ci ildən fəaliyyət göstərən “Ulduz” Şokolad Fabriki yerli bazarla yanaşı, dünyanın 20-dən artıq ölkəsinə şokolad məhsulları ixrac edir.