Bakı. Trend:
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR
EUR/USD məzənnəsi 1.19 və 1.20$ aralığında ticarət edilməkdədir. Lakin məzənnə, yenidən 1.1837$-a kimi ucuzlaşarsa, əlavə olaraq 1.1724$ və 1.1621$-a kimi də ucuzlaşa bilər.
Eyni zamanda, cümə günü Bakı vaxtı ilə saat 13:00-da açıqlanacaq Avrozonanın inflyasiya səviyyəsi də, investorlar tərəfindən böyük maraqla gözlənilir.
GBP
İngiltərə maliyyə bazarlarında da GBP/USD məzənnəsi 1.34 və 1.36$ aralığında ticarət ediləməkdədir. Təhlillərə görə, məzənnə cari həftə ərzində 1.3450$-a kimi ucuzlaşaraq, sözügedən səviyyənin altında qalarsa, 1.3283$-a kimi də ucuzlaşa bilər. İngiltərə ilə Avropa Birliyi arasında “BREKSİT” danışıqları da funt sterlinqin qiymətinə təzyiq edən amillər arasındadır.
TRY
Türkiyə valyuta bazarlarında isə USD/TRY məzənnəsi 3.50TL-nin altında ticarət edilir. Məzənnə gələcək günlər ərzində əlavə olaraq 3.4857TL-ə kimi ucuzlaşarsa, 3.4696 və 3.4483TL-ə kimi də dəyər itirə bilər.
OIL
Avropanın Brent markalı neftinin bir barel qiyməti bahalaşmaqda davam edir. Qiymət artıq proqnozlaşdırıldığı kimi 56.78$-a kimi dəyər qazanıb və qiymətin texniki mənzərəsi üzrə təhlillər onu göstərir ki, qiymət 56.63$-ın üzərində möhkəmlənərsə, gələcək günlər ərzində 57.43$-a kimi də dəyər qazana bilər.
GOLD
Əlvan metallar bazarlarında qızıl qiymətləri ucuzlaşmaqda davam edir. Maliyyə bazarlarında yeni həftənin ilk günündə 1294$-a (41.5 $/qram) ticarət edilən qızılın bir unsiya üzrə qiymətinin, yenidən 1288$-a (41.3 $/qram) ucuzlaşaraq altında qalması şərtilə, 1281$ (41.1 $/qram) və 1273$-a (40.8 $/qram) kimi də dəyər itirəcəyi proqnozlaşdırılır.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
Risk bildirişi
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.