Bakı. Azad Həsənli - Trend:
Azərbaycan Sənaye Korporasiyası (ASK) təkrar emal sahəsinin inkişafında yeni mərhələ olacaq.
Trend-in məlumatına görə, bunu Milli Məclisin iqtisadi siyasət, sənaye və sahibkarlıq komitəsinin sədri, deputat Ziyad Səmədzadə deyib.
2018-ci il dövlət büdcəsinin müzakirələri çərçivəsində beş parlament komitəsinin birgə iclasında çıxışı zamanı Z.Səmədzadə vurğulayıb ki, ASK ölkə iqtisadiyyatının diversifikasiyası üçün cəsarətli addımdır.
O əlavə edib ki, ASK Azərbaycanda sənayenin dinamik inkişafının təmin olunmasına kömək edəcək.