Bakı. İlkin Şəfiyev - Trend:
Bakı-Yalama dəmir yolunun rekonstruksiyası işlərini 2019-cu ildə başlamaq planlaşdırılır.
Trend-in məlumatına görə, bunu “Azərbaycan Dəmir Yolları” QSC-nin sədri Cavid Qurbanov deyib.
O bildirib ki, tender sənədləri yaxın zamanlarda imzalanacaq:
“Dəmir yolunun uzunluğu 200 kilometrdir. Bundan başqa, uzunluğu 313 kilometr uzunluğu olan Bakı-Astara dəmir yolunun sahil bölgəsində yerləşən hissəsinin köçürülməsi üzrə işlər aparılır”.
C.Qurbanov əlavə edib ki, saatda 159 kilometr sürətlə hərəkət edən Gürcüstan qatarının test yürüşü keçirilib. Bakı-Gəncə elektrik qatarının buraxılışı üzrə işlər davam etdilir:
“İşləri bu ilin sonunadək başa çatdırmaq planlaşdırılır. Təxminən 10-15 gün sonra bu marşrut üzrə hərəkət edən qatarların nümayişini təşkil etməyi planlaşdırırıq”.