Bakı. Trend:
İqtisadiyyat naziri Mikayıl Cabbarov Rusiyanın iqtisadi inkişaf naziri Maksim Reşetnikovla iki ölkə arasında iqtisadi münasibətlərin inkişafını müzakirə edib.
Trend-in məlumatına görə, bu barədə nazir öz "Twitter" səhifəsində yazıb.
"Rusiyanın iqtisadi inkişaf naziri Maksim Reşetnikovla ölkələrimiz arasında ticarət əlaqələrinin genişləndirilməsi, iqtisadi əməkdaşlıq çərçivəsində klasterlərin yaradılması, Azərbaycan-Rusiya regionlararası forumunun keçirilməsi və iqtisadi zonalar üzrə tərəfdaşlığın təşviqi barədə müzakirələr apardıq", - nazir yazıb.
