Qazaxıstan, Astana, 04 aprel / Trend , müxbir K.Konırova/ Əskər Mamin Qazaxıstanın "Kazaxstan temir jolı" (KTJ) dəmir yolu şirkətinin yeni rəhbəri təyin olunub. Bu barədə cümə günü Qazaxıstan hökumətinin mətbuat xidmətindən məlumat verilib.
Qazaxıstan Baş nazirinin mətbuat xidmətinin yaydığı məlumatda bildirilir ki, bu gün Baş nazir Karim Masimov "Holdinq "Samruk" SC şirkəti müdiriyyətinin qərarı ilə təyin olunan yeni rəhbəri KTJ kollektivinə təqdim edib.
Əvvəllər KTJ-nın prezidenti bu günlərdə iri həcmdə rüşvət aldığına görə maliyyə polisi əməkdaşları tərəfindən saxlanılan Jaksılık Kulekeyev olub.